AZƏRBAYCANDA KEÇİRİLƏN “NOVRUZ 2017” ANİ STİMULLAŞDIRICI LOTEREYASININ KEÇİRİLMƏ ŞƏRTLƏRİ

«Novruz 2017» Ani Stimullaşdırıcı Lotereyası (bundan sonra – «Lotereya» adlanacaq) Sulutəpə qəsəbəsi, Binəqədi rayonu, AZ 1117, Bakı, Azərbaycan Respublikası ünvanında yerləşən «Azərbaycan    Koka-Kola Bottlers Ltd» Məhdud Məsuliyyətli Cəmiyyəti (bundan sonra – «Təşkilatçı» adlanacaq) (VÖEN: 9900039011 Əlaqə nömrələri: +994 12 488 08 01/02/03)  tərəfindən  16 Fevral 2017 – 07 Aprel 2017-cı il tarixləri arasında Azərbaycan Respublikasında keçirilir.

BÖLMƏ 1. LOTEREYADA İŞTİRAK EDƏN QABLAŞDIRMA VƏ ƏMTƏƏ NİŞANLARI

Lotereyada iştirak (bundan sonra – “İştirakçı” adlanacaq) etmək üçün Təşkilatçı tərəfindən istehsal olunan və/və ya paylanan, Lotereyanın xüsusi etiketi və gümüşü rəngli üzərində qırmızı fonda qara yazı ilə  ”20 xal”, ”30 xal”, ”50 xal”, ”80 xal”    çapı olan qapağı (bundan sonra – «Qapaq(lar)» adlanacaq) olan 2 litr həcmində qablaşdırılmış  «Coca-Cola», «Coca-Cola Zero», «Fanta Portağal» və «Sprite» məhsullarından və 1.5 litr «Coca-Cola»,

«Fanta Portağal» və «Sprite»   (bundan sonra – “Məhsul(lar)” adlanacaq) birini almaq lazımdır.

BÖLMƏ 2. UDUŞUN TƏSVİRİ

2.1 200.000 (iki yüz min) ədəd Bölmə 3-də göstərilən 1, 1.5 və ya 2 litrlik       Coca-Cola, Coca-Cola Zero, Fanta Portağal və ya Sprite (bundan sonra – “Uduş(lar)” adlanacaq) məhsulundan biri (məhsullar tükənənədək).

2.2.  Lotereyanın keçirilmə Şərtlərinə əsasən lotereyada iştirak edən uduşlu içkilərin Azərbaycan üzrə ümumi sayı 200.000 (iki yüz min) ədəd olacaq (məhsullar tükənənədək).

2.3. Diqqət! Uduşların sayı Bölmə 2-də göstərilmiş saylarla məhduddur. Heç bir halda Uduşların ümumi sayı Bölmə 2-də göstərilən Uduş sayından çox ola bilməz.

BÖLMƏ 3. UDUŞLARIN ALINMASI QAYDASI

3.1 16 Fevral – 7 Aprel 2017 tarixlər arası alınan məhsulların qapağı altında “20 xal”, “30 xal”, “50 xal”, “80 xal” tap.

3.2 (i) 1 litrə Coca-Cola, Coca-Cola Zero, Fanta Portağal, Fanta Yaşıl Alma, Fanta Düşes, Fanta Çiyələk və Sprite hədiyyə almaq üçün ən azı 90 xal toplamaq gərəkir.

(ii) 1.5 litrə Coca-Cola, Coca-Cola Zero, Fanta Portağal və Sprite hədiyyə almaq üçün ən azı 110 xal toplamaq gərəkir.

(iii) 2 litrə Coca-Cola, Coca-Cola Zero, Fanta Portağal və Sprite hədiyyə almaq üçün ən azı 130 xal toplamaq gərəkir.

Diqqət! Əlavə xalların toplanması və xalların toplamasının dəyandırılması tamamilə İştirakçının öhdəliyinə buraxılır, və Təşkilatçı buna görə heç bir məhsuliyyət daşımır. Məsələn, əgər İştirakçı 100 xal toplayıb və 90 xala bərabər olan 1 litrəlik hədiyyə əldə etmək istəyirsə, əlavə 10 xalı itirmək riskini öz öhdəsinə götürür. İştirakçı hər zaman əlavə məhsul alaraq, daha böyük həcmli hədiyyəni qazanmaq hüququna malikdir. Məsələn, İştirakçı əlavə məhsul alaraq, daha 30 xal toplayıb (lakin zəmanət verilmir), topladığı 130 xalı 2 litrəlik hədiyyəyə dəyişmək hüququna malikdir.   

Lakin buna zəmanət verilmir! Əgər topladığı 100 xala əlavə olaraq daha 20 xal toplasa, İştirakçı topladığı 120 xalı dəyəri 110 xal olan 1.5 litrə hədiyyə alma hüququna malikdir. Bu halda itirdiyi 10 xala görə Təşkilatçı heç bir məsuliyyət daşımır. Bu tamamilə İştirakçının istıyinə görə təyin edilir, və əlavə xalları İştirakçıya geri qaytarılmasını Təşkilatçı öz öhdəsinə götürmür.

3.3 Lotereyanın keçirilmə şərtlərinə əsasən, ƏGƏR QAPAQLARIN ALTINDAN KİFAYƏT GƏDƏR XAL TOPLASANIZ ;

- Qapaqları Lotereyada iştirak edən Azərbaycan Respublikasında yerləşən bütün satış nöqtələrindən (bundan sonra – “Qapaq Dəyişmə Nöqtəsi” adlanacaq) birinə 10 Fevral 2017 və 7 Aprel 2017 tarixlər arası gətirin və topladıgınız xallara əsasən hədiyyələrin birinə dəyişdirin.

- Daha asan olması üçün Qapaq Dəyişmə Nöqtələrində üzərində “QAPAQ DƏYİŞMƏ NÖQTƏSİ” yazısı olan posterlər olacaq.

- 200.000 ədəd uduşlar verildikdən və ya Lotereyanın bitməsindən 90 iş günü sonra Qapaqlar qəbul olunmayacaq.

3.4 Təşkilatçı və ya Qapaq Dəyişdirmə Nöqtəs(lər)i aşağıda qeyd olunan hüquqlara malikdir:

 (a) alış-veriş zamanı verilən, üzərindəki tarix lotereya müddətini əhatə edən və üzərində qeyd olunan məhsul sayının gətirilən qapaq sayından az olmayan qəbzi və şəxsiyyətini təsdiq edən sənədi (bundan sonra - “Təsdiq edən Sənəd(lər)” adlanacaq),

b) tələb edildiyi təqdirdə lazımi sənədlər təqdim edilmirsə İştirakçını Uduş ilə  təmin etməmək

3.5 Təşkilatçı iştirakçının Qapaq Dəyişmə Nöqtəsinə Qapaq(lar)ı gətirdiyi və mübadilə etdiyi zaman meydana çıxan hər hansı bir dəyər və xərclər üçün məsuliyyət daşımır.

VACİB XƏBƏRDARLIQ!

HEÇ BİR HALDA LOTEREYA ƏRZİNDƏ  TƏŞKİLATÇI TƏRƏFİNDƏN VERİLƏN  UDUŞLARIN SATIŞI VƏ TƏKRAR  SATIŞI HƏYATA KEÇİRİLƏ BİLMƏZ. BELƏ BİR HAL BAŞVERDİKDƏ İSƏ “THE COCA-COLA COMPANY”-Ə MƏXSUS OLAN ƏMTƏƏ NİŞANLARININ QEYRİ QANUNİ İSTİFADƏSİNƏ GÖRƏ “THE COCA-COLA COMPANY” TƏRƏFİNDƏN BÜTÜN  MÜVAFİQ QANUNİ TƏDBİRLƏR GÖRÜLƏCƏKDİR.

BÖLMƏ 4. LOTEREYADA İŞTİRAK EDƏ BİLƏCƏK ŞƏXSLƏR

4.1.Azərbaycan Respublikasının 12 yaşdan böyük bütün vətəndaşları hazırkı Lotereyada iştirak edə bilər. «The Coca‑Cola Company», Təşkilatçı, «Coca-Cola Meşrubat Pazarlama Danışmanlık Sanayi ve Ticaret A.Ş.» və ya deyilənlərin yerli nümayəndəlikləri, yaxud yerli nümayəndələri, iştirak edən distribyutorları, pərakəndə satıcıları və ya onların ortaq şəxsləri, reklam agentlikləri və bu Lotereyaya aidiyyatı olan digər agentliklər; lotereyanın keçirilməsinə texniki dəstək göstərən şirkətlərin işçiləri və nümayəndələri, onlarla əlaqəli olan şəxslər; həmçinin adları çəkilən şirkətlərin işçiləri və onların ailə üzvləri Lotereyada iştirak edə bilməzlər.

4.2. Bu Lotereyanın keçirilmə Şərtlərinin müqabilində Təşkilatçı və/və ya Qapaq dəyişmə məntəqəsi hər bir iştirakçıdan onun yaşını göstərən sənəd tələb etmə və Bölmə 4.1-də qeyd olunan minimal yaş həddindən az yaşa malik İştirakçıya Uduşu verməkdən imtina etmə hüququnu özündə saxlayır(məcburi deyil ).

BÖLMƏ 5. UDUŞLARIN ƏLDƏ EDİLMƏSİ QAYDASI

5.1.  Hər bir Uduş, yalnız qapağın əslini və Təşkilatçı və ya Qapaq Dəyişmə Nöqtələrinin tələb etdiyi Bölmə 3.4-də göstərilən sənədlərə əsasən satınalmanı sübut edən digər vasitələri təmin edən iştirakçılara təqdim olunacaq .

5.2. Təşkilatçı iştirakçı tərəfindən təqdim olunan qapağın uduşlu olub-olmadığını dəqiq müəyyən edə bilmək üçün qapaqların altında bir və ya bir neçə məxfi və ya gizli simvollar  (bundan sonra  “Gizli Kod”  deyiləcəkdir) çap edə/ yerləşdirə bilər. Mübahisə yarandığı halda, Təşkilatçı Bölmə 3-də göstərilən şəkildə uduş tələblərinin təqdim edilməsi üçün sonuncu tarixə qədər  Gizli Kod(lar)un nə olduğunu açıqlamamaq hüququnu saxlayır. Bu Lotereyada iştirak etməklə, iştirakçılar xüsusi olaraq razılıq verirlər ki, Təşkilatçının məlumat açıqlamama hüququna heç bir şəkildə etiraz etməyəcəklər.

5.3. Uduş qapaqları hər hansı saxtalaşdırmaya məruz qalarsa və ya onların üzərində hər hansı bir düzəliş edilsə və qapaqlar məhdudiyyət qoyulmadan hər hansı digər üsullarla saxtalaşdırılsa, bu qapaqlar etibarsız sayılır.

5.4. Yazısı oxunmayan, zədələnmiş, dəyişdirilmiş, duplikat olunmuş, saxtalaşdırılmış, kəsilmiş, cırılmış, üzərində çap və ya digər səhvlər olan, qanuni yolla əldə edilməmiş Qapaqlar etibarsız sayılır.  Əgər Təşkilatçı yuxarıda qeyd olunan səbəblərə görə qapağın saxta olduğu hesab edirsə və ya müxtəlif səbəblərdən, qapağın  uduşlu olmadığını hesab etməyə əsaslı səbəb varsa, Təşkilatçı qapağın uduşlu olmadığını təyin etmək və uduş  tələbini təmin etməmək hüququna malikdir.

5.5. Uduş haqqında iddianın etibarlı olması və ya Qapaqların həqiqiliyi barədə mübahisə yarandığı halda, Təşkilatçının qərarı həlledicidir. Təşkilatçı uduşsuz Qapaq(lar)la  bağlı  yaranan mübahisələrdə heç bir məsuliyyət daşımır və heç bir açıqlama vermək məcburiyyətində deyil.

5.6. Təşkilatçı uduşlu Qapaq(lar)ın sahibinin kim olması ilə bağlı  yaranan mübahisələrdə heç bir məsuliyyət daşımır. Təşkilatçıya uduşlu Qapaq(lar)ı təqdim edən şəxs qapağın əsl sahibi hesab ediləcəkdir.

5.7. Təşkilatçı uduşsuz qapaqlarla bağlı heç bir açıqlama vermək və ya yazışmalar aparmaq məcburiyyətində deyil.

BÖLMƏ 6. UDUŞLARIN  PUL EKVİVALENTİ İLƏ ƏVƏZ OLUNMASININ MÜMKÜNSÜZLÜYÜ

Uduşlar heç bir halda onların pul ekvivalenti ilə əvəz oluna bilməz.

BÖLMƏ 7. LOTEREYADA EDİILƏN DƏYİŞİKLİKLƏR

Təşkilatçı Azərbaycan Respublikasının Qiymətli Kağızlar üzrə Dövlət Komitəsinin icazəsi əsasında Lotereyanı ləğv etmək, təxirə salmaq, onun davam etdiyi müddəti qısaltmaq və ya uzatmaq, həmçinin hazırkı Lotereyanın Keçirilmə Şərtlərinə əlavə və dəyişikliklər etmək hüququnu özündə saxlayır.

Təşkilatçı bu cür dəyişiklikləri öz seçdiyi yerli qəzetdə və ya sadəcə öz rəsmi internet səhifəsində www.coca-cola.az   (“Elan“ ) yayımlaya bilər. Belə bir elan istehlakçıları lotereyanın ləğv edilməsi,uzadılması , yenidən tərtib edilməsi və ya təşviqi və şərtləri barədə məlumatlandırmaq üçün kifayət edir.

BÖLMƏ 8. İŞTİRAKÇILARIN RAZILIĞI

Mükafatların təqdimatı zamanı ictimai tədbir təşkil oluna, foto və video çəkiliş edilib mediada yayımlana bilər. Bu lotereyada iştirak edən iştirakçı və həmçinin onu müşayiət edən şəxs  görüntü və səsyazmasının  öz ad və adresi ilə birlikdə yayımlanmasına razı hesab olunur və heçbir kompensasiya olmadan öz mülahizəsinə əsasən bu audio,video və foto materiallar Təşkilatçı tərəfindən istifadə oluna bilər.

İştirakçılar onlari müşayiət edən şəxslərə ictimai tədbir və onun şərtləri barədə məlumat vermək öhdəliyindədirlər

Mükafatla bağlı haqq iddia edən hər bir iştirakçının adı, foto və ya video görüntüsü həmçinin səsyazması ehtiyac olduğu təqdirdə Təşkilatçı tərəfindən ictimailəşdirilə bilər. Bunun üçün isə Təşkilatçı  iştirakçıdan əlavə razılaşma və ya icazə almaq, hərhansı kompensasiya ödəmək və ya xəbərdarlıq etmək öhdəliyində deyil.

BÖLMƏ 9. THE COCA-COLA COMPANY-NİN ƏMTƏƏ NİŞANLARI

Lotereyanın keçirilmə şərtləri heç bir vəchlə yuxarıda adı çəkilən The
Coca-Cola Company-nin əmtəə nişanlarının istifadəsinə görə istehlakçıya hər hansı bir sahiblik və ya mənfəət hüququ vermir. Nə  keçirilmə şərtlərindəki müddəalar, nə də lotereyaya qatılmağa təşviq iştirakçıya The Coca-Cola Company-nin və Təşkilatçının adını, loqosunu, əmtəə nişanını və ya müəllif hüquqlarını marketinq və reklam məqsədiylə və ya hər hansı lotereyaya aidiyyatı olmayan başqa bir məqsədlə istifadəsinə icazə vermir (The Coca-Cola Company-nin yazılı icazəsi olmadan ). İştirakçı The Coca-Cola Company-nin əmtəə nişanlarının və mülkiyyət hüququnun qüvvədə olduğuna dair heç bir sual yaranmadığını təsdiq edir.

İştirakçı tərəfindən “The Coca-Cola Company”-nin əmtəə nişanları ilə bağlı Şərtlərin müddəalarının pozulacağı təqdirdə , Təşkilatçı və/və ya “The Coca-Cola Company” və / və ya digər səlahiyyətli “The Coca-Cola Company”-nin əmtəə nişanıyla çalışıb başqa bir ərazidə fəaliyyət göstərən qablaşdırıcı və/ və ya paylayan yuxarıda qeyd olunan pozuntularla bağlı dəyişmiş bütün zərəri iştirakçıdan tələb etmək hüququna malikdir.

Bölmə 9 hətta lotereya başa çatdıqdan sonra belə qüvvədədir.

BÖLMƏ 10. LOTEREYANIN RƏSMİ QAYDALARI

Lotereyanın Rəsmi Qaydalarını  bu Lotereyada iştirak edən satış nöqtələrində və ya www.coca-cola.az veb səhifəsində əldə etmək mümkündür.

LOTEREYADA İŞTİRAK ETMƏKLƏ BÜTÜN İŞTİRAKÇILAR LOTEREYANIN HAZIRKI KEÇİRİLMƏ ŞƏRTLƏRİNİ DİQQƏTLƏ OXUYUB VƏ BAŞA DÜŞÜB, ONA TABE OLACAQLARINA AVTOMATİK OLARAQ RAZILAŞIR.

«COCA-COLA», «COKE»,  «FANTA», «SPRITE», Kontur Şüşəsi və Dinamik Lent «The Coca-Cola Company»-nin qeydə alınmış əmtəə nişanlarıdır.